သိူဝ်ၽိူၵ်ႇၼမ်းၼႃႈ ၸတ်းပၢင်သပ်းၸႅင်ႈၶၢဝ်ႇ လွင်ႈၵူၼ်းမိူင်းမၢၼ်ႈ ထုၵ်ႇတီႉၺွပ်းၼႂ်း မိူင်းၶႄႇ



လူၺ်ႈလွင်ႈဢၼ်ၵူၼ်းမိူင်းမၢၼ်ႈ/ မိူင်းတႆး ထုၵ်ႇတီႉၺွပ်း တီႈလႅၼ်လိၼ်မိူင်းၶႄႇ-မၢၼ်ႈသေ သိူဝ်ၽိူၵ်ႇ ဢွၼ်ႁူဝ်ၼမ်းၼႃႈ ၸတ်းပၢင်သပ်းၸႅင်ႈၶၢဝ်ႇ၊ မီးၽူႈသိုဝ်ႇၶၢဝ်ႇၶဝ်ႈႁူမ်ႈ တင်းၼမ်။
ပၢင်သပ်းၸႅင်ႈၶၢဝ်ႇ လွင်ႈဢၼ်ၵူၼ်းမိူင်းမၢၼ်ႈ မိူင်းတႆး ထုၵ်ႇတီႉၺွပ်း ၸွမ်းလႅၼ်လိၼ်မိူင်းၶႄႇ
 
ဝၼ်းတီႈ 23/07/2014 မိူဝ်ႈဝႃး ဝၢႆးဝၼ်းယၢမ်း 1 မူင်း မီးၵၢၼ် ၸတ်းႁဵတ်းပၢင်သပ်းၸႅင်ႈၶၢဝ်ႇ တီႈႁူင်းႁေႃ ႁပ်ႉတွၼ်ႈၶႅၵ်ႇ  (တၢႆးဢႄႉၵျူဝ်ႇၶၢၼ်းမ) တီႈပွၵ်ႉၵွင်းၼွင်မူဝ် ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ သပ်းလႅင်းၼႄလွင်ႈ ၵဵဝ်ႇၵပ်းၵူၼ်းၼႂ်းၸိုင်ႈမိူင်းႁူမ်ႈတုမ်မၢၼ်ႈ၊ ပိူင်လူင်မၼ်းၵူၼ်းမိူင်းတႆး ထုၵ်ႇၸဝ်ႈၼႃႈတီႈမိူင်းၶႄႇ တီႉၺွပ်းတီႈ မိူင်းမၢဝ်း ၸႄႈၵဝ်ႇ ၼွင်တဝ်း ၸိူဝ်းၼႆႉ။

ပၢင်သပ်းၸႅင်ႈၶၢဝ်ႇတီႈဝဵင်းၼမ်ႉၶမ်းၼႆႉ ပဵၼ်ၽွင်းတႅၼ်းၸႄႈမိူင်း ပႃႇတီႇသိူဝ်ၽိူၵ်ႇ ၸၢႆးတိၼ်ႇဢူး ဢွၼ်ႁူဝ် ၼမ်းၼႃႈႁဵတ်း၊ မီးၸုမ်းသိုဝ်ႇၶၢဝ်ႇ 20 ၸုမ်းပၢႆၶဝ်ႈႁူမ်ႈ။ ႁဝ်းၶႃႈႁၢင်ႈႁႅၼ်း ပိူဝ်ႈတႃႇႁဵတ်းပၢင်သပ်းၸႅင်ႈၶၢဝ်ႇယၢမ်း ၵၢင်ၼႂ် 9 မူင်း၊ ၵူၺ်းၵႃႈ ၽူႈသိုဝ်ႇၶၢဝ်ႇၶဝ်သမ်ႉႁွတ်ႈဝႆႉတီႈ ဝဵင်းမူႇၸႄႈသေ ၸွမ်းတၢင်းသမ်ႉၼမ်ႉၼွင်းလႄႈ ဢမ်ႇၸၢင်ႈလုၵ်ႉတၢင်းမူႇၸႄႈ မႃးတၢင်းၼမ်ႉၶမ်း ၶိုတ်းတၼ်းၶၢဝ်းယၢမ်းလႆႈႄလႈ လႆႈလိူၼ်ႈၶၢႆႉၵႂႃႇႁဵတ်း ဝၢႆးဝၼ်း ယၢမ်း 13 မူင်း- ၽွင်းတႅၼ်းပႃႇတီႇသိူဝ်ၽိူၵ်ႇ (SNDP)  ၸၢႆးထုၼ်းလႃႉ လၢတ်ႈ။

တီႈပၢင်သပ်းၸႅင်ႈၶၢဝ်ႇၼၼ်ႉ ဝွၵ်ႇၵူၼ်းၸိူဝ်း ထုၵ်ႇတီႉၺွပ်း 15 ၵေႃႉလႄႈ ၵူၼ်းၼႂ်းၼႃႈႁိူၼ်းၶဝ် 30 ၵေႃႉ မႃးၶဝ်ႈ ႁူမ်ႈ- ၵေႃႉၵႂႃႇၶဝ်ႈႁူမ်ႈပၢင်သပ်းၸႅင်ႈၶၢဝ်ႇ ၸၢႆးဢၢႆႈ လၢတ်ႈ။

ၸၢႆးဢၢႆႈ သိုပ်ႇလၢတ်ႈဝႃႈ- ပၢင်သပ်းၸႅင်ႈၶၢဝ်ႇၼႆႉ ဢမ်ႇၵွမ်ႉၵႃႈၵူၼ်းထုၵ်ႇတီႉၺွပ်းၵူၺ်း၊ ၵဵဝ်ႇၵပ်းလွင်ႈၶုတ်း/ၸႂ်ႉ တိုဝ်းႁိၼ်ႁႄႈ၊ လွင်ႈလႅၼ်ၶႅၼ်ႈၼႃႈလိၼ်မိူင်းၶႄႇ- မၢၼ်ႈ (မိူင်းတႆး) ၸိူဝ်းၼႆႉၵေႃႈသပ်းၸႅင်ႈပႃး၊ လွင်ႈၼႆႉ ၾၢႆႇၵမ်ႉ ၸွႆႈၵၢၼ်ၽွင်းငမ်း သြႃႇၸၢႆးဢွင်ႇဝုၼ်း သပ်းလႅင်းၸႅင်ႈၼႄၽူႈသိုဝ်ႇၶၢဝ်ႇ ၵူၼ်းမႃးတွင်ႈထၢမ်ၶဝ်ၵႂႃႇ ၵႂၢင်ႈၵႂၢင်ႈ ၶႂၢင်ၶႂၢင်။

ၽူႈသိုဝ်ႇၶၢဝ်ႇၸိူဝ်းမႃး ၶိုၼ်ႈႁွတ်ႈၶဝ်ႈႁူမ်ႈ ပၢင်သပ်းၸႅင်ႈၶၢဝ်ႇတီႈဝဵင်းၼမ်ႉၶမ်းပွၵ်ႈၼႆႉ ဢိၼ်ႊထိူဝ်ႊၼိဝ်ႊ၊ မိၸ်ႉၸိမ၊ DVB, 7Day, ၸွင်ႉၵျီႉယေး တတိၼ်းၵျႃႇၼႄႇ၊ ယၢၼ်ႇၵူင်ႇထၢႆႊမ်၊ ပျီႇထွင်ႇၸူႉၼေႉၸိၼ်ႇ၊ မျိတ်ႉမႃႇၶ ၻီႊမူဝ်ႊၶရေႊၸီႊထူႊၻေႊ၊ Model ၊ မႃၼၵ်ႉၵႃး (ၸုမ်းၶၢဝ်ႇတဢၢင်း)၊ သျၢၼ်း တၢၼ်ႇတေႃႇသျိၼ်ႉ (ၸုမ်းၶၢဝ်ႇၽူႈတွႆႇႁွၵ်ႈ)၊  ဢလုတ်ႉ တၢၼ်းတတိၼ်းထွၵ်ႉ (ၸုမ်းသိုဝ်ႇၶၢဝ်ႇၵူၼ်းမိူင်း) ၸိူဝ်းၼႆႉ။




 
© 2012 All Rights Reserved | Asean Celebrity | Fonts @ AtFonts | Free Templates