ပိူဝ်ႈတႃႇၵၢၼ်ၸႂ်ႉတိုဝ်းလိၵ်ႈတႆး ႁႂ်ႈပေႃးပဵၼ်ပိူင်လဵဝ်လႄႈ တႅမ်ႈပွင်ႇဢၢၼ်ႇလႆႈပဵၼ်ၵၢၼ်သိုဝ်ႇသၢၼ်ၵပ်းသိုပ်ႇ ၵၼ်ငၢႆႈၸွမ်းၼင်ႇဢဵၼ်းဢၢၼ်း ဢၼ်ၵေႃလိၵ်ႈလၢႆး ၾိင်ႈငႄႈတႆး ၵဵင်းမႆႇ မီးဝႆႉၼၼ်ႉသေ လႆႈၸတ်းပၢင်ဢုပ်ႇ ၵုမ်ၼႂ်းႁွပ်ႈလိူၼ်။

ဝၼ်းတီႈ 17/08/2014 ၼႆႉ ၵေႃလိၵ်ႈလၢႆးၾိင်ႈငႄႈတႆး ၵဵင်းမႆႇ လႆႈၸတ်းပၢင်ဢုပ်ႇၵုမ်လွင်ႈ IT လၢႆးလိူၼ် ၼႂ်းလိူၼ်ဢေႃႊၵသ်ႉ ပဵၼ်ပွၵ်ႈၵမ်းတီႈ 4 ဝၢႆးသေၸတ်းပၢင်ဢုပ်ႇၵုမ်ၵၼ်မႃးမိူဝ်ႈဝၼ်းတီႈ 18-19/01/2014 ၼၼ်ႉၵေႃႈ မီးၽူႈသူၼ်ၸႂ်ၶႂ်ႈၸႂ်ႉတိုဝ်း တင်း ၽူႈၸႂ်ႉတိုဝ်း Unicode တႆးမႃးၼမ်လႄႈ ပဵၼ်လွင်ႈၵမ်ႉပၼ် ႁႅင်းၸႂ်ၽူႈၶူၼ်ႉသွၵ်ႈလဵပ်ႈႁဵၼ်းၶူင်သၢင်ႈ ဢိၵ်ႇတင်းၶတ်းၸႂ်သူၼ်းတုမ်ပိုၼ်ၽႄႈၶဝ် မီးႁႅင်းၵႅၼ်ႇၶႅင်တိူဝ်းမႃး။
ၵွပ်ႈၼၼ် ထူၼ်ႈႁွပ်ႈလိူၼ်တီႈ 4 ၵမ်းၼႆႉ ၸင်ႇမီးၶေႃႈလႆႈၸႂ်ဢွၵ်ႇမႃးၼႂ်းပၢင်ဢုပ်ႇၵုမ်လွင်ႈဢၢႆႊထီႊ IT တႆး ဢၼ်ၸတ်းတီႈၵေႃလိၵ်ႈလၢႆးၾိင်ႈငႄႈတႆး ၵဵင်းမႆႇ ဝၼ်းတီႈ 17 (ဝၼ်းတိတ်ႉ) မိူဝ်ႈဝႃးၼႆႉ မီးၶေႃႈလႆႈၸႂ် ဢွၵ်ႇမႃးဝႃႈ -

1 ႁႂ်ႈလွၵ်းမိုဝ်းပဵၼ်တီႈလဵဝ်ၵၼ်ၵူႈၾွၼ်ႉဢၼ်ၸႂ်ႉယူႇၼီႊၶူတ်ႉ (ပိူဝ်ႈတႃႇၶၢဝ်းယၢဝ်းမိူဝ်းၼႃႈ)

2. ထုၵ်ႇလီၸႂ်ႉၾွၼ်ႉဢၼ်မီးပိူင်ထတ်းလိၵ်ႈ

3. ပေႃးၸႂ်ႉၾွၼ်ႉပၢင်လူင်တေဢွၼ်ၵၼ်ၸႂ်ႉၾွၼ်ႉပၢင်လူင် ဢၼ်ႁဵတ်းဢွၵ်ႇပီ 2011

4. ၸၢႆးၽူင်းဢဝ်ပုၼ်ႈၽွၼ်းလဵပ်ႈႁဵၼ်းလၢႆးတမ်းဝၢင်းပိူင်ၾွၼ်ႉလိၵ်ႈထႆးပိူဝ်ႈတႃႇဢဝ်မႃးလဵပ်ႈႁဵၼ်း(ၵွပ်ႈမၼ်း 
    မီး တူဝ်ၼမ်းၼႃး တူဝ်တႂ်ႈ ၼိူဝ် ၶၢင်ႈ) မိူၼ်လိၵ်ႈတႆး)

5. ၸၢႆးသိူဝ်ႁၢၼ်တေလဵပ်ႈႁဵၼ်းၶူၼ်ႉၶႆႈ လွၵ်းလၢႆး ႁႂ်ႈမီးပိူင်ထတ်းလိၵ်ႈ တေၵပ်းသၢၼ် ၸၢႆးတီႇတီႇသူင်ႇလႄႈ  
    ၸၢႆးလူင်

6. ပေႃးဝၼ်းဢွၵ်ႇဝႃႇသႃ ၾၢႆႇဢၢႆႊထီႊ IT တႆးႁဝ်း တေမႃးၸွႆႈၵၼ်လူင်း ၾွၼ်ႉယူႇၼီႊၶူတ်ႉ တႆး ပၼ်ၼႂ်း
    ၶွမ်ႊပိဝ်ႊတိူဝ်ႊ လႄႈၾူၼ်ႊမိုဝ်းထိုဝ် ၶွင်ပီႈၼွင်ႉတႆး တီႈၼႃႈလုမ်းၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ 
    ၼႂ်းဝတ်ႉၵူႇတဝ်ႈ

7. ပၢင်ၵုမ်လွင်ႈ ဢၢႆႊထီႊ IT လိူၼ်တေမႃး တေၸတ်းႁဵတ်းၼႂ်းဝၼ်းတီႈ 21/09/2014 တေဝွၵ်ႇၸႅင်ႈမႃး
     ထႅင်ႈၵမ်းၼိုင်ႈ

ၵွပ်ႈၼၼ် ပေႃးဝႃႈၽူႈလႂ်ၽႂ်ၵေႃႉဢၼ်ၶႂ်ႈၸႂ်ႉတိုဝ်းၾွၼ်ႉလိၵ်ႈတႆး Unicode ၼႂ်းၶွမ်းပိဝ်ႊတိူဝ်ႊ ၼႂ်းၾူၼ်ႊ မိုဝ်းထိုဝ်လႄႈ ဢမ်ႇေမႃလူင်း/လူင်းဢမ်ႇလႆႈ ၸိူဝ်းၼၼ်ႉ ပေႃးဝၼ်းဢွၵ်ႇဝႃႇသႃ ၼႆၸိုင် ၶႅၼ်းတေႃႈႁွပ်ႇႁိဝ်ႈ တိဝ်ႈယိပ်းပႃးမႃး ပၼ်ၶဝ်ၸဝ်ႈလူင်းပၼ်ၾွၼ်ႉတႆး Unicode လႆႈ - ၼႆယဝ်ႉ။