လူတ်ႉၵႃးတၢင်ႇၼမ်ႉမၼ်းၵိူတ်ႇ ၽေးဢုပၢတ်ႈ မီးၵူၼ်းတၢႆ
ၵႃးတၢင်ႇၼမ်ႉမၼ်း ႁေႃႈဝႆး၊ ႁၢမ်ႈလေႃႉ (ပရဵၵ်ႇ)ၵွႆ၊ ၵိူတ်ႇၽေးဢုပၢတ်ႈ
ၽႃႇၺႃးလူတ်ႉသၢမ်လေႃႉလႄႈ လူတ်ႉၵႃးဢွၼ်ႇလၢႆလမ်း။ ႁဵတ်းႁႂ်ႈမီးၵူၼ်းတၢႆ လႄႈ
ဝၢတ်ႇၸဵပ်းလၢႆၵေႃႉ။
ၽေးဢုပၢတ်ႈ ယွၼ်ႉလူတ်ႉၵႃးတၢင်ႇၼမ်ႉမၼ်း တီႈဝဵင်းမူႇၸႄႈ |
ဝၼ်းတီႈ 10/09/2014 လူတ်ႉၵႃး 22 လေႃႉ
ၶွင် ဢူးပၢႆႇၶွမ်ႊပၼီႊ (ဢၼ်ၸဝ်ႈၶွင်ပဵၼ်ဢူးတေႇၸႃႉ)
ၵႂႃႇတၢင်ႇၼမ်ႉမၼ်းၼႂ်းမိူင်းၶႄႇ ၶဝ်ႈမႃးတၢင်းမိူင်းမၢၼ်ႈ (မိူင်းတႆး)
တီႈလၢၼ်ႇ/ၵဵတ်ႉ (ၼၢၼ်းတေႃႇ) ႁိမ်းဝဵင်းမူႇၸႄႈ ၸိုင်ႈတႆးပွတ်းႁွင်ႇ။
မႃးၽႅဝ်တီႈၼႂ်းဝဵင်းမူႇၸႄႈ ပွတ်းၼႂ်ဢွၼ်ဝၼ်း 11 မူင်း။ ၵႃးလမ်းၼႆႉ
ယွၼ်ႉႁေႃႈဝႆး၊ ႁၢမ်ႈလေႃႉ (ပလိၵ်ႊ) မၼ်းၵွႆသေ ၽႃႇၺႃးလူတ်ႉၵႃးလၢႆလၢႆလမ်းလႄႈ
လူတ်ႉသၢမ်လေႃႉ၊ ႁဵတ်းႁႂ်ႈ ၵူၼ်းၵေႃႈတၢႆ၊ ဢၼ်ဝၢတ်ႇၸဵပ်းၵေႃႈမီးၼမ်- ၼႆယဝ်ႉ။
လူတ်ႉၵႃးတၢင်ႇၼမ်ႉမၼ်းၼႆႉ ယွၼ်ႉႁေႃႈဝႆး၊
ဢမ်ႇၵုမ်းလႆႈႁၢမ်ႈလေႃႉမၼ်းသေ ၵႂႃႇၽႃႇၺႃးလူတ်ႉၶိူင်ႈ 3 လေႃႉ၊
ၵူၼ်းႁေႃႈလူတ်ႉ 3 လေႃႉၼၼ်ႉ တူၵ်းလူတ်ႉမၼ်းသေ ထုၵ်ႇၵႃးႁိပ်ႇတၢႆ။
သိုပ်ႇၵႂႃႇၽႃႇထႅင်ႈလူတ်ႉသၢႆ (လၢႆးၵႃး) သၢႆလႃႈသဵဝ်ႈ-မူႇၸႄႈ၊
ၽႃႇလူတ်ႉၵႃးဢွၼ်ႇထႅင်ႈ 10 လမ်း၊ ပူၼ်ႉၵႂႃႇၽႃႇၺႃးလူတ်ႉ 3 လေႃႉ
ထႅင်ႈသၢမ်လမ်း- ၸၢႆးတၢၼ်း ၵူၼ်းမူႇၸႄႈ လၢတ်ႈ။
ၽေးဢုပၢတ်ႈ ယွၼ်ႉလူတ်ႉၵႃးတၢင်ႇၼမ်ႉမၼ်း တီႈဝဵင်းမူႇၸႄႈ |
ၵေႃႉဢၼ်တၢႆၵႂႃႇၼၼ်ႉ
ပဵၼ်ၸၢဝ်းၶိူဝ်းမၢၼ်ႈ၊ ဢႃႇယုတေမီးမွၵ်ႈ 30 ၊ ပေႃးဝႃႈၵႃးၽႃႇယဝ်ႉၵေႃႈ
တၢႆထင်တီႈတီႈၼၼ်ႈၵမ်းလဵဝ်။ ၵႃးဢၼ်လူႉၵွႆၵႂႃႇၸိူဝ်းၼၼ်ႉ
ၶဝ်လၢၵ်ႈဢဝ်ၵႂႃႇဝႆႉတီႈ ပၢင်ႇဢၼ်ပိူၼ်ႈဝႆႉ လူတ်ႉၵႃး
ၵၢၼ်ဢွၵ်ႇတၢင်းတွင်ႈတဵဝ်း။ လူတ်ႉၶိူင်ႈ 3 လေႃႉၼၼ်ႉၵေႃႈ
ဢဝ်ၵႂႃႇဝႆႉတီႈႁူင်းပလိၵ်ႈမူႇၸႄႈယဝ်ႉ- ၸၢႆးတၢၼ်း သိုပ်ႇလၢတ်ႈ။
ဢၼ်လူတ်ႉၵႃးလူင် တၢင်ႇၼမ်ႉမၼ်း
ႁၢမ်ႈလေႃႉၵွႆသေ ၽႃႇၺႃးလူတ်ႉၵႃးဢွၼ်ႇလၢႆလမ်းၸိူဝ်းၼႆႉ
ၵူၼ်းလႆႈတၢႆၵႂႃႇၵေႃႉၼိုင်ႈ၊ ပဵၼ်ၸၢဝ်းမၢၼ်ႈ၊ ဝၢတ်ႇၸဵပ်း 5 ၵေႃႉ၊
ၼႂ်းၵူၼ်းဝၢတ်ႇၸဵပ်း 5 ၵေႃႉၼၼ်ႉ တႃႇၵေႃႉၼိုင်ႈဝၢတ်ႇၸဵပ်းလိူဝ်ႁႅင်းဝႆႉလႄႈ
လႆႈမႆႈၸႂ်ဝႆႉ- ၽူႈႁၢပ်ႇၵၢၼ်ၶုၼ် တီႈႁူင်းယႃမူႇၸႄႈ ၵေႃႉၼိုင်ႈလၢတ်ႈ။
ၽေးဢုပၢတ်ႈ ယွၼ်ႉလူတ်ႉၵႃးတၢင်ႇၼမ်ႉမၼ်း တီႈဝဵင်းမူႇၸႄႈ |
ၵူၼ်းႁေႃႈလူတ်ႉတႄႉ ၸဝ်ႈၼႃႈတီႈပလိၵ်ႈၶဝ် တီႉၺွပ်းဢဝ်ၵႂႃႇတီႈႁူင်းပလိၵ်ႈမူႇၸႄႈယဝ်ႉ- လႆႈႁူႉၼင်ႇၼႆ။
ဝဵင်းမူႇၸႄႈၼႆႉ
ပဵၼ်ဝဵင်းတိတ်းလႅၼ်ၶႅၼ်ႈမိူင်းၶႄႇ-မိူင်းတႆး (ၸိုင်ႈမိူင်းႁူမ်ႈတုမ်မၢၼ်ႈ)၊
ပဵၼ်ဝဵင်းဢၼ် ပၢႆးမၢၵ်ႈမီး ၵႃႉၶၢႆၶိုၼ်ႈယႂ်ႇဝဵင်းၼိုင်ႈ။ ၵူၺ်းၵႃႈ
လွင်ႈယူပ်ႈယွမ်းပိူင်ၼိုင်ႈၼၼ်ႉ သဵၼ်ႈတၢင်းလူင်ၼႂ်းဝဵင်းၵႅပ်ႈ၊
ၸွမ်းသွင်ၾၢၵ်ႇၶၢင်ႈတၢင်းၵေႃႈ လူတ်ႉၵႃး လူတ်ႉၶိူင်ႈၸိူဝ်းၼႆႉ
ၸွတ်ႇ/ၵိုတ်းယႆၸပ်းၵၼ်ၵႂႃႇသဵင်ႈမူတ်း၊ ဢမ်ႇမီးမၢႆမီႈၵၢၼ်ၵိုတ်း လူတ်ႉၵႃး၊
ၵွပ်ႈၼႆ လွင်ႈလူတ်ႉၵႃးတိတ်းၵေႃႈ ပဵၼ်မႃးတႃႇသေႇ။
Tags: General, News