ပပ်ႉၵိုၵ်းႁၢင်ႈ ပိုၼ်းပုတ်ႉထၸဝ်ႈ တင်း ပပ်ႉၵႅမ်မိုဝ်းၽူႈၾိုၵ်းသွၼ် တေဢွၵ်ႇၼႂ်း လိူၼ်ၼႃႈ
ပပ်ႉၵိုၵ်းႁၢင်ႈ ပိုၼ်းပုတ်ႉထၸဝ်ႈ တႃႇလုၵ်ႈဢွၼ်ႇ လူဢၢၼ်ႇ လႄႈ
ပပ်ႉၵႅမ်မိုဝ်း ၽူႈၾိုၵ်းသွၼ် တႃႇပူၵ်းပွင် ၼမ်ႉၵတ်ႉ ၶူးသွၼ်
တေမီးၵၢၼ်ဢိတ်ႇဢွၵ်ႇ ၼႂ်းလိူၼ်ၼႃႈ၊ လူၺ်ႈၽူႈပိၼ်ႇတႅမ်ႈ ၶပ်းၶိုင်
ၸဝ်ႈၶူးၼၼ်တဝမ်သ ၼမ်ႉၶမ်း။
ႁၢင်ႈၼႃႈသိူဝ်ႈ ပပ်ႉၵိုၵ်းႁၢင်ႈ ပိုၼ်းပုတ်ႉထၸဝ်ႈ တႃႇလုၵ်ႈဢွၼ်ႇလူဢၢၼ်ႇ |
ၸဝ်ႈၶူးၼၼ်တဝမ်သ လၢတ်ႈဝႃႈ- လိူဝ်သေပဵၼ်တႃႇလုၵ်ႈဢွၼ်ႇဢၢၼ်ႇလၢႆလၢႆယဝ်ႉ ယင်းပဵၼ်ပပ်ႉၵႅမ်မိုဝ်း တႃႇပေႃႈမႄႈလုၵ်ႈဢွၼ်ႇၶဝ် ဢၼ်ဢမ်ႇမီးဢမ်ႇပဵၼ်ၼၼ်ႉပပ်ႉၼိုင်ႈ၊ ၵွပ်ႈဝႃႈ ၸိူဝ်းပဵၼ်ပေႃႈမႄႈၵေႃႈ တေၸၢင်ႈ ဢဝ်ဢၢၼ်ႇၼႄ ၶႆႈၼႄလုၵ်ႈဢွၼ်ႇၶဝ်လႆႈ ၼႂ်းၽွင်းယၢမ်းၶဝ်တၼ်း။
ႁၢင်ႈၼႃႈသိူဝ်ႈ ပပ်ႉၵႅမ်မိုဝ်း တႃႇၽူႈၾိုၵ်းသွၼ် (Teacher trainer) |
ပပ်ႉၼႆႉ ၵူၼ်းတႅမ်ႈမၼ်းမီးလၢႆၵေႃႉ၊ ပဵၼ်လုၵ်ႈႁဵၼ်းတီႈမိူင်းသီႇႁူဝ်ႇ (သီရိလင်းၵႃ) ၶဝ်ၸဝ်ႈတႅမ်ႈ၊ ပဵၼ်ပပ်ႉ ဢၼ်လီ မီး လီလူလီဢၢၼ်ႇ လီဢဝ်ပဵၼ်ပပ်ႉၵႅမ်မိုဝ်းဢၼ်ၼိုင်ႈ။ ပပ်ႉၼႆႉ မီးၼႃႈလိၵ်ႈ 192 ၼႃႈ၊ တေဢိတ်ႇဢွၵ်ႇၼႂ်းလိူၼ် ၼူဝ်ႊဝႅမ်ႊၿိူဝ်ႊ ၼႆႉၼင်ႇၵၼ်၊ တေဢၢၼ်းၶႂ်ႈႁႂ်ႈတၼ်းၶိုတ်းပွႆးပီမႂ်ႇတႆး။ ယိူင်းဢၢၼ်း ပိူဝ်ႈတႃႇ ႁႂ်ႈပဵၼ်တီႈမၢႆတွင်း ဝၼ်းၵိူတ်ႇၸဝ်ႈတူၼ်ၶူးလူင် တွၵ်ႊတိူဝ်ႊၶမ်းမၢႆ ထမ်မသႃမိ။
Tags: Education, News