ၵေႃလိၵ်ႈလၢႆးလႄႈ ၾိင်ႈငႄႈတႆး မိူင်းပွၼ် ၸတ်းပၢင်ပွႆးပီမႂ်ႇတႆး၊
ပိူဝ်ႈတႃႇဝၢၼ်ႈႁိမ်းႁွမ်း ၶဝ်ႈႁူမ်ႈလႄႈ ၸိူဝ်းဢမ်ႇၵႂႃႇလႆႈ
တီႈတူၼ်ႈတီးၶဝ်ႈႁူမ်ႈ။
ပူၼ်ႉမႃးမိူဝ်ႈဝၼ်းတီႈ 26/10/2014 ပွတ်းၼႂ်၊ လုင်းႁဵင် လုင်းၸၢႆးၸဵင်ႇဝိၼ်း
လႄႈ ႁူဝ်ပဝ်ႈၵေႃလိၵ်ႈလၢႆး လႄႈၾိင်ႈငႄႈတႆး လုင်းၸၢႆးပႃႉတၢၼ်း
ႁူမ်ႈၵၼ်ဢွၼ်ႁူဝ်ၸတ်းႁဵတ်းပၢင်ၵုမ် တီႈႁိူၼ်းလုင်းၸၢႆးပႃႉတၢၼ်း
ပွၵ်ႉၵုင်းၵၢတ်ႇ ဝဵင်းမိူင်းပွၼ် ၸိုင်ႈတႆးပွတ်းၸၢၼ်း။ တီႈပၢင်ၵုမ်ၼႆႉ
လုင်းႁဵင်လႄႈ ပူႇၵၢင်ႉၵူႈပွၵ်ႉပွၵ်ႉ ဢိၵ်ႇ ၵေႃလိၵ်ႈလၢႆးလႄႈၾိင်ႈငႄႈတႆး
ၶဝ်ႈႁူမ်ႈ 24 ၵေႃႉ။
ၼႂ်းပၢင်ၵုမ်ၼၼ်ႉ လႆႈၸႂ်တူၵ်းလူင်းၵၼ်ဝႃႈ တေၸတ်းပၢင်ပွႆးပီမႂ်ႇတႆး။
ယွၼ်ႉဝႃႈ တီႈမိူင်းပွၼ်ၼႆႉ ပေႃးဢမ်ႇၸတ်းပွႆးပီမႂ်ႇတႆးသေ
ၵႂႃႇၶဝ်ႈႁူမ်ႈတီႈတူၼ်ႈတီးၵူၺ်းၸိုင် လုၵ်ႈဢွၼ်ႇဝၢၼ်ႈႁိမ်းႁွမ်းမိူင်းပွၼ်
ဢမ်ႇၸၢင်ႈၵႂႃႇၶဝ်ႈပွႆးပီမႂ်ႇတႆး တီႈလႂ်၊ ၵွပ်ႈဝႃႈ
ၸိူဝ်းဢမ်ႇမီးႁႅင်းငိုၼ်းတွင်း ၵႂႃႇၶဝ်ႈတီႈတူၼ်ႈတီး ၵေႃႈမီးတင်းၼမ်။
ဝၢၼ်ႈၵူၼ်းႁိမ်းႁွမ်းမိူင်းပွၼ်ၼႆႉ တင်းမူတ်းမီး 52 ဝၢၼ်ႈ။ ၵွပ်ႈၼၼ်
ၸင်ႇလႆႈၸႂ်ၵၼ်ၸတ်းပၢင်ပွႆးပီမႂ်ႇတႆး တီႈမိူင်းပွၼ်။ တီႈတူၼ်ႈတီးၵေႃႈ
တေၽႄၵူၼ်းသေ ၵႂႃႇၶဝ်ႈႁူမ်ႈ- ၼႆယဝ်ႉ။
Tags:
Culture,
News