ၽူႈယႂ်ႇတႆး လႆႈၵႂႃႇသပ်းလႅင်းလွင်ႈ “ပၼ်ႁႃလႄႈ တၢင်းဢွၵ်ႇ လွင်ႈၸၢဝ်းၶိူဝ်းၸွမ်းလႅၼ်လိၼ် ထႆး-မၢၼ်ႈ” ဢၼ်ထႆးၸတ်း ပၢင်ဢုပ်ႇၵုမ်ႁူဝ်ၶေႃႈ လဵပ်ႈႁဵၼ်းလွင်ႈထႆး-မၢၼ်ႈ ၼႂ်းၶွပ်ႇတူင်ႇဝူင်း ဢႃႊသျႅၼ်ႊ တီႈၸႄႈတွၼ်ႈ ၽိတ်ႉသၼုလူၵ်ႉ။

ဝၼ်းသုၵ်းတီႈ 19/12/2014 (မိူဝ်ႈၼႆႉ) တင်ႈတႄႇယၢမ်း 10:30-12:30 မူင်း၊ မီးၽူႈလူင်ႉလႅၼ်ႇ မွၵ်ႇလၢတ်ႈသပ်းလႅင်း မိူၼ်ၼင်ႇၸဝ်ႈၶိုၼ်းသႂ် ၸႂ်ယဵၼ်၊ ၽူႈတႅၼ်းၸၢဝ်းၶိူဝ်းယၢင်း၊ ၽူႈတႅၼ်းၸၢဝ်းမွၼ်း၊ ဢႃးၸၢၼ်သူမ်ရိတ်ႊ လိုဝ်းၶျႆး၊ ဢႃးၸၢၼ် မေႃးရၵူတ်ႇဝူင်း ၽူးမိၽလပ်း ၸိူဝ်းၼႆႉ။

ၼႂ်းပၢင်ပွႆးၼႆႉ ၸဝ်ႈၶိုၼ်းသႂ် ၸႂ်ယဵၼ် လႆႈႁပ်ႉဝွၵ်ႇၸိူၼ်း ၵႂႃႇမွၵ်ႇလၢတ်ႈၶေႃႈၵႂၢမ်း ၼႂ်းႁူဝ်ၶေႃႈ “ပၼ်ႁႃလႄႈတၢင်းဢွၵ်ႇ လွင်ႈၸၢဝ်းၶိူဝ်းၸွမ်းလႅၼ်လိၼ်ထႆး-မၢၼ်ႈ”- ၼႆယဝ်ႉ။

ပိူဝ်ႈတႃႇပဵၼ်မႃးပၢင်ပွႆးဢုပ်ႇဢူဝ်း ပိုၼ်ႉႁူႉတၢင်းမေႃပွၵ်ႈၼႆႉ မူလၼိထိ ၶူင်းၵၢၼ်ၾၢႆႇပၢႆးပိုၼ်းလႄႈၾၢႆႇပၢႆးၵူၼ်း၊ မူလၼိထိတူဝ်ႊယူဝ်ႊတႃႊမိူင်းထႆး၊ ၶွမ်ႊပၼီႊတူဝ်ႊယူဝ်ႊတႃႊ မေႃႊတိူဝ်ႊ မိူင်းထႆး၊ ၸၼ်ႉၸွမ်ၼရေးသူၼ် လႄႈ လၢႆလၢႆမူႇၸုမ်း ႁူမ်ႈၵၼ်ၸတ်းပဵၼ်မႃး- ၼႆယဝ်ႉ။