ပျီႇတုၸိတ်ႉသႅင်ၵႅဝ်ႉ ပိုတ်ႇၶွမ်ႊပၼီႊမႂ်ႇ တႄႇသူၼ်ၽုၵ်ႇသွမ်ႈပွတ်းထုင်ႉမၢဝ်း
တပ်ႉသိုၵ်းၵူၼ်းမိူင်း (သႅင်ၵႅဝ်ႉ) ပိုတ်ႇၶွမ်ႊပၼီႊ မႂ်ႇလႄႈ သူၼ်ၽုၵ်ႇသွမ်ႈ
“သူၼ်မွၵ်ႇမိူင်းမႂ်ႇ” တီႈဝၢၼ်ႈၸႄႈလၢၼ်ႉ ဢိူင်ႇၸႄႈလၢၼ်ႉ
ၸႄႈဝဵင်းမူႇၸႄႈၸိုင်ႈတႆး ပွတ်းႁွင်ႇ။
ဝၼ်းတီႈ 23 လိူၼ်မၢတ်ႉၶျ် 2015 ယၢမ်းၵၢင်ၼႂ် 09:00 - 12:00 မူင်း ၸတ်းပၢင်ၵႅဝ်ႈ ပိုတ်ႇ ၶွမ်ႊပၼီႊမႂ်ႇ “လွႆၶူင်း” တႄႇသၢင်ႈသူၼ်ၽုၵ်ႇသွမ်ႈ “သူၼ်မွၵ်ႇမိူင်းမႂ်ႇ” ။ တွၼ်ႈၵၢင်ၶမ်ႈသမ်ႉမီး ပၢင်မူၼ်ႈသိူဝ်း မီးမေႃၵႂၢမ်းပၢၼ်မႂ်ႇၵမ်ႈၽွင်ႈမူၼ်ႈၸႂ်။
ပၢင်ပိုတ်ႇလုမ်းၵႃႉၶၢႆ လႄႈ သူၼ်ၽုၵ်ႇသွမ်ႈ ၼၼ်ႉ မီး ၸဝ်ႈႁၢၼ်တၢၼ်းထေး၊ ၶုၼ်သိုၵ်း လူင်လၢဝ်ႁိူင်း၊ ႁူဝ်ပဝ်ႈဝၢၼ်ႈ ၸႄႈလၢၼ်ႉ လုင်းမႆသႅင်ထုၼ်းသူၺ်ႇ မွၵ်ႇလၢတ်ႈၶေႃႈၵႂၢမ်း၊ ၽူႈၶဝ်ႈႁူမ်ႈမီးမွၵ်ႈ 300-ၵေႃႉ။
သႅင်ၵႅဝ်ႉၼႆႉ ဢွၼ်တၢင်း ပဵၼ်တီႈပၵ်းတပ်ႉငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ။ ႁူဝ်ပဝ်ႈလူင် ၸွမ်ႁၢၼ်လွႆမၢဝ်းဢွၼ် တပ်ႉၸုမ်း(3) မိူင်းၶိူဝ်း၊ တပ်ႉၸုမ်း(7) လွႆၽႃ ၵႃလိ တင်း တပ်ႉငဝ်ႈငုၼ်းသႅင်ၵႅဝ်ႈ ႁဵတ်းပဵၼ် ပျီႇတုၸိတ်ႉၵႂႃႇ မိူဝ်ႈ ဝၼ်းတီႈ 24 လိူၼ် April ပီ2010 ။
တပ်ႉၸုမ်း 1 ဢၼ် ၸွမ်သိုၵ်းပၢင်ႇၾႃႉ ဢွၼ်ႁူဝ် ဢမ်ႇယွမ်းလႅၵ်ႈႁဵတ်း ပျီတုၸိတ်ႉ၊ ၸုၵ်းမၼ်ႈ ၼိူဝ်သဵၼ်ႈတၢင်း ၵၢၼ်ၸိူဝ်ႉၸၢတ်ႈ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ငဝ်ႈငုၼ်းၵေႃႈ ၶၢႆႉပၵ်းတီႈ ဝဵင်းမႂ်ႇဝၢၼ်ႈႁႆး တင်ႈတႄႇၼၼ်ႉမႃး တေႃႇယၢမ်းလဵဝ်။
Tags: economic, News