ၵေႃႊမတီႊ လႅၼ်လိၼ် ထႆး - မၢၼ်ႈ ၸၼ်ႉၸႄႈဝဵင်း TBC တင်း 2 ၾၢႆႇယုၵ်ႉလိူၵ်ႈမၢႆမီႈဢၼ်တေ ၵူတ်ႇထတ်းႁၢဝ်းႁႅင်း ။ ၾၢႆႇထႆး ၸီႉသင်ႇ တေလႆႈတင်ႈလၢၼ်ႇ (ၵဵတ်ႉ) တီႈဝၢၼ်ႈထမ်ႈ (ၼႂ်းၵၢင်မႄႈသၢႆ- ၵဵင်းႁၢႆး) တီႈလဵဝ်  တိုၼ်းတေ ဢမ်ႇလႆႈတင်ႈလၢၼ်ႇ (ၵဵတ်ႉ)  လၢႆလၢႆတီႈ။

ဝၼ်းတီႈ 23 ၸွမ်းၼင်ႇဢၼ် ပလိၵ်ႈမၢၼ်ႈပိုၼ်ၽၢဝ်ႇဝႃႈ တေတင်ႈလၢၼ်ႇ (ၵဵတ်ႉ) ၵူတ်ႇထတ်း ၵူၼ်းထႆး ဢၼ်ၶဝ်ႈဢွၵ်ႇမိူင်းမၢၼ်ႈ ။ ၵူတ်ႇထတ်းၽၢႆႈဢွၼ်ႇ( ယဵဝ်ႈ ) ၽႂ်သူႇ ၊ ၵိၼ် ၊ သမ်း ၊ ယႃႈ မဝ်းၵမ်တေၺႃး (တူတ်ႈတၢမ်ႇ) ၶွၵ်ႈ 5 ပီ ၊ပေႃးတီႉလႆႈယႃႈမဝ်းၵမ် တေၺႃး (တူတ်ႈတၢမ်ႇ) ၶွၵ်ႈ 10 ပီ၊  သင်ၵူတ်ႇ ထတ်းယဵဝ်ႈပဵၼ် သီၵမ်ႇ သမ်ႉတီႉလႆႈယႃႈမဝ်းၵမ်ၼႆၸိုင် တေၺႃးတူတ်ႈၶွၵ်ႈ 15 ပီ။ ဢဝ်ငိုၼ်းၵမ်ႉယၼ်ႁပ်ႉဢွၵ်ႇ (ထုတ်ႇ) တိုၼ်းဢမ်ႇလႆႈဝႃႈၼႆဝႆႉ။

ဝၼ်းတီႈ 23 ဝၼ်းၼၼ်ႉၵမ်းလဵဝ်   ၵေႃႊမတီႊလႅၼ်လိၼ် TBC ထႆးႁူပ်ႉဢုပ်ႇၵၼ်သင်ႇၵိုတ်းလွင်ႈ ၵူတ်ႇထတ်းၵူၼ်းၶဝ်ႈဢွၵ်ႇၵႂႃႇမႃး ၼႂ်းမိူင်းထႆးၽၢၵ်ႈၼိူဝ်ၵမ်းလဵဝ်။ ဝၢႆးၼၼ်ႉဝၼ်းၼိုင်ႈ ဝၼ်းတီႈ 24 ၵေႃႈ ၸဝ်ႈၼႃႈတီႈထႆး  - မၢၼ်ႈ လႆႈႁူပ်ႉထူပ်းဢုပ်ႇၵုမ်ၵၼ်သေ လႆႈၶေႃႈတႅပ်းတတ်းဝႃႈ တေယုၵ်ႉ လိူၵ်ႈလွင်ႈဢၼ်ၵူတ်ႇထတ်းႁၢဝ်ႈႁႅင်း ၵူၼ်းၸိူဝ်း ၵဵဝ်ႇၶွင်ႈယႃႈမဝ်းၵမ် တင်းၾင်ႇမၢၼ်ႈ လႄႈထႆး ။

လၢၼ်ႇၵူတ်ႇထတ်းၵူၼ်းၶဝ်ႈမိူင်းထႆး တင်ႈတႄႇၽၵ်းတူမိူင်း တႃႈၶီႈလဵၵ်း - မႄႈသၢႆ  မႃးထိုင် ၵဵင်းမႂ်ႇ  ( ၵဵတ်ႉ )  ဢမ်ႇယွမ်း 5 တီႈ။ ပေႃးၵူတ်ႇထတ်းၽၢႆႈဢွၼ်ႇ ပဵၼ်သီၵမ်ႇ ၸိုင် ဢမ်ႇၵိၼ်ယႃႈမဝ်းၵမ် ၵေႃႈယဝ်ႉပလိၵ်ႈထႆး တီႉၺွပ်းမႂ်ငိုၼ်း 10000 – 30000 ၿၢတ်ႇ။  ပေႃးဢမ်ႇမီးငိုၼ်းလႆႈတူၵ်းၶွၵ်ႈ ၶိုၼ်ႈလုမ်းတြႃး လၢႆလၢႆၵမ်း ၸင်ႇပူၼ်ႉတူတ်ႈတၢမ်ႇ။