ႁွင်ႈၵၢၼ်ၾၢႆႇပၢႆးယူႇလီမိူင်းထႆး ပၼ်သုၼ်ႇလႆႈ ပၢႆးယူႇလီ တႃႇႁႅင်းၵၢၼ်ယၢၼ်မိူင်း



ႁွင်ႈၵၢၼ်ၾၢႆႇပၢႆးယူႇလီမိူင်းထႆး ဢွၵ်ႇၶေႃႈပိုၼ်ၽၢဝ်ႇ 2 ၽိုၼ်တႃႇၸွႆႈထႅမ်ႁႅင်းၵၢၼ်ယၢၼ်မိူင်း ႁႂ်ႈလႆႈမီးၵၢၼ်ၶဝ်ႈထိုင် ၵူတ်ႇထတ်းပၢႆးယူႇလီ ၊ ႁဵတ်းဝႂ်ႁပ်ႉႁွင်းပၢႆးယူႇလီ။



မေႃယႃလူင် ရတ်ႉသတႃႊ   ရတ်ႉတၼဝိၼ်ႊ ႁွင်ႈၵၢၼ်ၾၢႆႇပႆးယူႇလီမိူင်းထႆး လၢတ်ႈဝႃႈ  လွင်ႈလုမ်း လႃးၵူၼ်းႁဵတ်းၵၢၼ်ယၢၼ်မိူင်း ဢၼ်မႃးႁဵတ်းၵၢၼ်းယူႇၼႂ်းမိူင်းထႆး။ ဢိၵ်ႇလုၵ်ႈဢွၼ်ႇလႄႈၵူၼ်း ထဝ်ႈ မိူင်းမၢၼ်ႈ၊ လၢဝ်း ၊ ၵမ်ႊပေႃႊတီႊယႃႊလႄႈ ဝႅတ်ႉၼၢမ်း။ ႁူမ်ႈပႃးၵူၼ်းႁဵတ်းၵၢၼ်ၸွမ်း လႅၼ်လိၼ်ဢၼ်မႃး ၵၢင်ၸဝ်ႉပွၵ်ႈၶိုၼ်းၵၢင်ၶမ်ႈ ၸိူဝ်းၼၼ်ႉ  ႁႂ်ႈၵႂႃႇယွၼ်းဝႂ် ႁပ်ႉႁွင်းပၢႆးယူႇလီ  လႆႈတင်ႈတႄႇ ဝၼ်းတီႈ 01 လိူၼ် ဢေႊၿရိူဝ်ႊ 2015။

မေႃယႃ ဢမ်ႊၼူၺ်ႊ   ၵႃႊၸီႊၼ ၵႅမ်ႁွင်ႈၵၢၼ်ၾၢႆႇပႆးယူႇလီမိူင်းထႆးလၢတ်ႈဝႃႈ ၶေႃႈပိုၼ်ၽၢဝ်ႇ ၽိုၼ်တီႈ 1 ပဵၼ်ၵၢၼ်ၵူတ်ႇထတ်းပၢႆးယူႇလီလႄႈ ၶၢႆပၼ်ဝႂ်ႁပ်ႉႁွင်းပၢႆးယူႇလီ ပၼ်ႁႅင်းၵၢၼ်ယၢၼ် မိူင်းၵူႈၵေႃႉတီႈဢၼ်ဢမ်ႇႁဵတ်းလႆႈ(ပရႃၵၼ်သင်ၶူမ်း) ။


ၼႂ်းၵၢၼ်ၵူတ်ႇထတ်းပၢႆးယူႇလီၼႆႉလႆႈသဵင်ႈၵႃႈၵူတ်းထတ်း500 ၿၢတ်ႇလႄႈဝႂ်ႁပ်ႉႁွင်းပၢႆးယူႇလီ 2,200 ၿၢတ်ႇႁူမ်ႈတင်းမူတ်းပဵၼ်2,700 ၿၢတ်ႇ ၊ လုၵ်ႈဢွၼ်ႇဢႃယု7 ပီလူင်းတႂ်ႈ 365 ၿၢတ်ႇ မီးဢႃယု 1 ပီဢမ်ႇလႆႈသဵင်ႈၵႃႈၵူတ်ႇထတ်းပၢႆးယူႇလီ။ သုၼ်ႇလႆႈလွင်ႈၵၢၼ်ယူတ်းယႃ မိူၼ်ၼင်ႇ ပဵၼ်ၶႆႈ ပဵၼ်ၼၢဝ်၊လႄႈလွင်ႈႁႄႉၵင်ႈတၢင်းပဵၼ်မိူၼ်ၼင်ႇသမ်းၶဵမ်ႁႄႉၵင်ႈတၢင်းပဵၼ် (ဝၵ်ႉသိၼ်း) ၸဵမ်ၸိူဝ်းၼႆႉ ဝႃႈၼႆ။

ၶေႃႈပိုၼ်ၽၢဝ်ႇၽိုၼ်တီႈ 2 ၵၢၼ်ၵူတ်ႇထတ်းလႄႈၵၢၼ်ၶၢႆဝႂ်ႁပ်ႉႁွင်ႈပၢႆးယူႇလီပၼ်ႁႅင်းၵၢၼ်ယၢၼ် မိူင်း 4 ၸိူဝ်ႉၸၢတ်ႈ မၢၼ်ႈ၊ လၢဝ်း၊ ၵမ်ႊပေႃႊတီႊယႃႊ၊ ဝႅတ်ႊၼၢမ်ႊႁူမ်ႈထိုင်ၵူၼ်း ႁဵတ်းၵၢၼ်ၸွမ်း လႅၼ်လိၼ်ၵေႃႈ သိုဝ်ႉဝႂ်ႁပ်ႉႁွင်းပၢႆးယူႇလီလႆႈ။ တေပၼ်သုၼ်ႇလိူၵ်ႈသိုဝ်ႉလႆႈ  3 တွၼ်ႈ ။

ဝႂ်ႁပ်ႉႁွင်းပၢႆးယူႇလီဢႃယု 1 ပီၵႃႈၶၼ်   2,100 ၿၢတ်ႇ၊ ဢႃယု 6 လိူၼ် 1, 400 ၿၢတ်ႇ၊ဢႃယု 3 လိူၼ် 1,000 ၿၢတ်ႇတင်းသဵင်ႈၼႆႉႁူမ်ႈပႃးၵႃႈၵူတ်ႇထတ်းပၢႆးယူႇလီယဝ်ႉ။ လုၵ်ႈဢွၼ်ႇဢႃယု 7 ပီ လူင်းတႂ်ႈ365 ၿၢတ်ႇ မီးဢႃယုဝတ်း 1 ပီ ။

ဝႂ်ႁပ်ႉႁွင်းပၢႆးယူႇလီၼႆႉမီးသုၼ်ႇလႆႈၶဝ်ႈထိုင်ပၢႆးယူႇလီမိူၼ်ဝႂ်ႁပ်ႉပၢႆးယူႇလီ ( ဝတ်းထွင်း ) ၵူၼ်းထႆး မိူၼ်ၼင်ႇၵၢၼ်ၽႃႇတတ်းၵၢၼ်ယူတ်းယႃတၢင်းပဵၼ်ၶၢဝ်းယၢဝ်း တီႈမီးၵႃႈၸႂ်ႉၸၢႆႇသုင်လႄႈၶဝ်ႈႁပ်ႉ ယႃ ARV (တႃႇၽူႈမီးၸိူဝ်ႉမႅင်း HIV/AIDS ၸဵမ်ၸိူဝ်းၼႆႉၵေႃႈယင်းလႆႈ ဝႃႈၼႆ။

ၶေႃႈမုလ်မႃးတီႈ ASTV




 
© 2012 All Rights Reserved | Asean Celebrity | Fonts @ AtFonts | Free Templates