ၶွမ်ႊပၼီႊႁဵတ်းရူတ်ႉၵႃး  SuZuKi ၵျပၢၼ်ႊ တမ်းၽႅၼ်ၵၢၼ် တေလူင်းတိုၼ်းၼပ်ႉႁူဝ်သိပ်းလၢၼ်ႉ ပိူဝ်ႈတႃႇၵေႃႇသၢင်ႈ ႁူင်းငၢၼ်းႁဵတ်းရူတ်ႉၵႃး ၼႂ်းမိူင်းမၢၼ်ႈ  ႁူင်းတီႈ 2 ၼႂ်းဝဵင်းလူင်တႃႈၵုင်ႈ။

ပိုၼ်ႉတီႈၵၢၼ်ၵေႃႇသၢင်ႈႁူင်းငၢၼ်းတႃႇႁဵတ်းရူတ်ႉမီး 125 ႁႆႈ။    ၵၢၼ်ၵေႃႇသၢင်ႈတေတႄႇၼႂ်းပၢႆပီ 2015 သဵင်ႈသေ တေဢၢၼ်းႁဵတ်းဢွၵ်ႇလူတ်ႉၼႂ်းပီ 2017။   တေလူင်းငိုၼ်းတိုၼ်းလၢႆႁဵင်လၢၼ်ႉယဵၼ်ႊ လႄႈတေၸၢင်ႈၵူၼ်းႁဵတ်းၵၢၼ် 300 ၵေႃႉတေဢၢၼ်း ႁဵတ်းဢွၵ်ႇၵႃး 10,000 လမ်းတေႃႇပီ။  ႁူမ်ႈထိုင်ရူတ်ႉၵႃးသႅၼ်း Ertiga 7 တီႈၼင်ႈဝႃႈၼႆ။

ၶွမ်ႊပၼီႊ SuZuKi ၼႆႉတႄႇႁဵတ်းရူတ်ႉၵႃးၼႂ်းမိူင်းမၢၼ်ႈ ပူၼ်ႉမႃးမိူဝ်ႈ 16 ပီ တီႈၼႂ်းဝဵင်းတႃႈၵုင်ႈ ၵူၺ်းၼင်ႇၵဝ်ႇ ။   ၵူၺ်းၵႃႈယွၼ်ႉပိူဝ်ႈငဝ်းလၢႆးဝၢၼ်ႈမိူင်းလႄႈ ၶွမ်ႊပၼီႊ လႆႈၵိုတ်းလိုဝ်ႈၵၢၼ်ၼႂ်းပီ 2010  ။

ၵမ်းၼႆႉပဵၼ်ၵမ်းတီႈသွင်ဢၼ်ၶွမ်ႊပၼီႊၶဝ်တေမိူဝ်းလူင်းတိုၼ်းၼႂ်းမိူင်းမၢၼ်ႈ။
ၶေႃႈမုလ်  ASTV